محقق مسئلہ

آیت سجدہ کا علم نہ ہو تب بھی سجدہ واجب ہے؟

آیت سجدہ کو سرًّا پڑھنا مستحسن ہے اس لئے تالی کو اس کا خیال رکھنا چاہئے لیکن اگر کسی نے جہراً پڑھ دیا اور دوسروں نے سن لیا تو سجدہ تلاوت واجب ہو جاتا ہے خواہ اس آیت کا آیت سجدہ ہونا سامع کو معلوم ہو یا نہ ہو چونکہ سجدہ تلاوت کے واجب ہونے کے اسباب تین ہیں: (۱) تلاوت (۲) سماع (۳) اقتداء۔ ان اسباب میں سے کوئی ایک سبب بھی اگر متحقق ہو گیا تو سجدہ تلاوت واجب ہو جائے گا۔ نیز سماع میں یہ بھی تعمیم ہے کہ خواہ سننے کا ارادہ ہو یا نہ ہو بہر صورت سجدہ تلاوت واجب ہوجاتا ہے(کتاب : حبیب الفتاویٰ/ج:۲/ص:۲۴۱)