નબી અકરમ (સલ્લલ્લાહુ અલયહી વ સલ્લમ) એ નાના બાળકો સાથે પણ જૂઠું બોલવાની મનાઈ ફરમાવી છે. એવામાં, હઝરત અબ્દુલ્લાહ બિન આમિર (રઝીઅલ્લાહુ અન્હુ) ફરમાવે છે કે આનહઝરત (સલ્લલ્લાહુ અલયહી વ સલ્લમ) અમારા મકાનમાં પધારેલા હતા, મારી માતાએ (મારી તરફ બંધ મુઠ્ઠી લંબાવીને) કહ્યું: "અહીં આવ! હું તને આપીશ" (જેમ માતાઓ બાળકને પાસે બોલાવવા માટે એવું કરતી હોય છે). તો આનહઝરત (સલ્લલ્લાહુ અલયહી વ સલ્લમ) એ માતાને પૂછ્યું: "તમારો તેને શું આપવાનો ઈરાદો હતો?" માતાએ જવાબ આપ્યો કે, "હું તેને ખજૂર આપવા માંગતી હતી." તો આપ (સલ્લલ્લાહુ અલયહી વ સલ્લમ) એ ફરમાવ્યું કે: أَمَا إِنَّكِ لَوْ لَمْ تُعْطِهِ شَيْئًا كُتِبَتْ عَلَيْكِ كَذِبَةٌ. (અત-તરગીબ વત-તરહીબ (૩/૩૭૦) "જો તમે તેને કોઈ વસ્તુ ન આપત, તો તમારા નામા-એ-અમાલ (કર્મોના ખાતા) માં એક જૂઠ લખાઈ જાત." આ હદીસ પરથી ખબર પડે છે કે ઘણી એવી વાતો જેને સમાજ (મુઆશરા) માં જૂઠ નથી માનવામાં આવતી, તેના પર પણ જૂઠનું ગુનાહ થઈ શકે છે. બાળકોને ખોટી આશ્વાસનો (તસલ્લીઓ) આપવી અને ખોટા વાયદા કરવા સામાન્ય રીતે બધી જગ્યાએ પ્રચલિત છે, અને તેને જૂઠ સમજવામાં જ નથી આવતું. જો કે ઉપર દર્શાવેલા ઇર્શાદ-એ-નબવી મુજબ આ પણ જૂઠમાં શામેલ છે, જેનાથી બચવાનો પૂરો પ્રયત્ન કરવો જોઈએ. (રહમાન કે ખાસ બંદે, પૃષ્ઠ: ૩૩૬)