દીકરાનું ઈસ્લામ સ્વીકારવું: એક ફ્રેન્ચ માતાની આશ્ચર્યજનક ઈચ્છા
એક ફ્રેન્ચ મહિલા પોતાના ચૌદ વર્ષના દીકરાને લઈને ફ્રાન્સના એક ઈસ્લામિક સેન્ટરમાં આવી જેથી તેનો દીકરો મુસલમાન થઈ જાય. તેઓ બંને ઈસ્લામિક સેન્ટર પહોંચ્યા અને સેન્ટરના ડાયરેક્ટરની ઓફિસમાં જઈને બાળકે મુલાકાત લીધી. બાળકે કહ્યું, "મારી મમ્મી ઈચ્છે છે કે હું મુસલમાન થઈ જાઉં." ઈસ્લામિક સેન્ટરના ડાયરેક્ટરે બાળકને પૂછ્યું, "શું તું ઈસ્લામ સ્વીકારવા માંગે છે...?" બાળકે જવાબ આપ્યો, "મેં હજુ સુધી આ બાબતે કંઈ વિચાર્યું નથી, પણ મારી માતાની ઈચ્છા છે કે હું ઈસ્લામ સ્વીકારી લઉં." ડાયરેક્ટરને બાળકના આ જવાબ પર ખૂબ જ આશ્ચર્ય થયું. તેમણે બાળકને પૂછ્યું, "શું તારી માતા મુસ્લિમ છે...?" બાળકે કહ્યું, "ના, મારી માતા મુસ્લિમ નથી, અને મને એ પણ ખબર નથી કે તે મને ઈસ્લામ સ્વીકારવા માટે કેમ કહી રહી છે." ડાયરેક્ટરે પૂછ્યું, "તારી માતા ક્યાં છે...?" બાળકે કહ્યું, "તે ઈસ્લામિક સેન્ટરના બહારના ભાગમાં ઉભી છે." ડાયરેક્ટરે કહ્યું, "તારી માતાને બોલાવી લાવ, જેથી હું તેમની સાથે વાતચીત કરીને પરિસ્થિતિ જાણી શકું." બાળક પોતાની માતાને લઈને ડાયરેક્ટર પાસે આવ્યો. ડાયરેક્ટરે માતાને પૂછ્યું, "શું આ વાત સાચી છે કે તમે મુસલમાન નથી અને છતાં ઈચ્છો છો કે તમારો દીકરો મુસલમાન થઈ જાય...?" માતાએ કહ્યું, "આ વાત બિલકુલ સાચી છે." ડાયરેક્ટરને આ જવાબ પર ખૂબ જ નવાઈ લાગી, તેમણે માતાને પૂછ્યું, "તમે કેમ ઈચ્છો છો કે તમારો દીકરો ઈસ્લામ સ્વીકારે?" માતાએ જે જવાબ આપ્યો તે આશ્ચર્યચકિત કરી દેનારો હતો. માતાએ જણાવ્યું, "હું પેરિસના જે ફ્લેટમાં રહું છું, મારા ફ્લેટની બિલકુલ સામે એક મુસ્લિમ પરિવારનો ફ્લેટ છે. તેમના બે બાળકો યુનિવર્સિટીમાં અભ્યાસ કરે છે. સવાર-સાંજ જ્યારે પણ આ બંને બાળકો ઘરની બહાર નીકળે છે કે ઘરમાં પ્રવેશ કરે છે, ત્યારે તેઓ પોતાની માતાના કપાળ પર ચૂમે છે અને તેમના હાથને બોસો આપે છે (ચૂમે છે). તેઓ ખૂબ જ આદર અને અદબ સાથે પોતાની માતા સાથે વર્તે છે, જાણે તે માતા કોઈ દેશના વડાપ્રધાન (પ્રાઇમ મિનિસ્ટર) હોય! મેં જ્યારથી આ દ્રશ્ય જોયું છે, ત્યારથી મારી દિલની ઈચ્છા થઈ ગઈ છે કે મારો દીકરો પણ મુસલમાન થઈ જાય. નહિતર મને ડર છે કે જ્યારે હું વૃદ્ધ થઈશ, ત્યારે તે ક્યાંક મને ઓલ્ડ એજ હોમમાં (વૃદ્ધાશ્રમમાં) ન મૂકી દે. હું ઈચ્છું છું કે તે મારી સાથે એવો જ વ્યવહાર કરે, જેવો આ મુસ્લિમ માતાના બાળકો પોતાની માતા સાથે કરે છે." (મનકૂલ — પસંદગી: ઇસ્લામિક ટ્યુબ પ્રો એપ્લિકેશન)
