એક સામાન્ય પ્રસંગ, એક મહાન પાઠ (બોધપાઠ)
લંડનમાં એક ઈમામ સાહેબ રહેતા હતા. રોજ ઘરથી મસ્જિદ જવા માટે બસમાં બેસીને દૂર મસ્જિદ સુધી જવું તેમનો નિયમ હતો. લંડનમાં નક્કી કરેલા સમયે અને એક જ રૂટ પર બસોમાં મુસાફરી કરતી વખતે ઘણી વખત એવું બનતું કે બસ પણ એ જ હોય અને બસનો ડ્રાઈવર પણ એ જ હોય. એક વખત આ ઈમામ સાહેબ બસમાં ચઢ્યા, ડ્રાઈવરને ભાડું આપ્યું અને બાકીના પૈસા લઈને એક સીટ પર બેસી ગયા. ડ્રાઈવરે આપેલા બાકીના પૈસા ખિસ્સામાં મૂકતા પહેલાં જ્યારે તેમણે જોયા, તો ખબર પડી કે વીસ પેન્સ વધારે આવી ગયા છે. પહેલાં ઈમામ સાહેબે વિચાર્યું કે આ 20 પેન્સ તેઓ ઉતરતી વખતે ડ્રાઈવરને પાછા આપી દેશે કારણ કે આ તેમનો હક નથી. પછી એક વિચાર આવ્યો કે આટલા થોડા પૈસાની કોણ પરવા કરે છે, ટ્રાન્સપોર્ટ કંપની આ બસોની કમાણીમાંથી લાખો પાઉન્ડ કમાય જ છે, આટલા થોડા પૈસાથી તેમની કમાણીમાં શું ફેર પડશે? હું આ પૈસાને અલ્લાહ તરફથી ઈનામ સમજીને ખિસ્સામાં મૂકી લઉં છું અને ચૂપ રહું છું. આ જ મથામણમાં (कशमकश) કે પાછા આપું કે ન આપું, ઈમામ સાહેબનું સ્ટોપ આવી ગયું. બસ જ્યારે ઈમામ સાહેબના સ્ટોપ પર ઉભી રહી, ત્યારે તેમણે ઉતરતા પહેલાં ડ્રાઈવરને 20 પેન્સ પાછા આપતા કહ્યું: "આ લો વીસ પેન્સ, લાગે છે કે તમે ભૂલથી મને વધારે આપી દીધા છે." ડ્રાઈવરે 20 પેન્સ પાછા લેતા હસીને ઈમામ સાહેબને પૂછ્યું: "શું તમે આ વિસ્તારની મસ્જિદના નવા ઈમામ છો? હું ઘણા સમયથી તમારી મસ્જિદમાં આવીને ઈસ્લામ વિશે માહિતી મેળવવા માંગતો હતો. આ 20 પેન્સ મેં જાણીજોઈને તમને વધારે આપ્યા હતા જેથી આ નજીવી રકમ વિશે તમારું વલણ (વર્તન) પારખી શકું." ઈમામ સાહેબ જેવા બસમાંથી નીચે ઉતર્યા, તેમને એવું લાગ્યું કે જાણે તેમના પગમાંથી જીવ નીકળી ગયો હોય. પડતા બચવા માટે તેમણે વીજળીના એક થાંભલાનો સહારો લીધો, આકાશ તરફ મોઢું કરીને રડતા રડતા દુઆ કરી: "યા અલ્લાહ મને માફ કરી દેજે, હું હમણાં જ ઈસ્લામને માત્ર વીસ પેન્સમાં વેચવા બેઠો હતો." યાદ રાખો, કેટલીકવાર લોકો ફક્ત કુરાન વાંચીને ઈસ્લામ વિશે જાણે છે, અથવા બિન-મુસ્લિમો આપણને મુસ્લિમોને જોઈને ઈસ્લામની છબી મનમાં બનાવે છે. કોશિશ કરો કે ક્યાંય કોઈ આપણા વ્યક્તિગત વર્તનને ઈસ્લામનું ચિત્ર અને તમામ મુસ્લિમોનું ઉદાહરણ ન બનાવી લે. જો આપણે કોઈને મુસ્લિમ ન બનાવી શકીએ, તો ઓછામાં ઓછું આપણી કોઈ હરકતને કારણે તેને ઈસ્લામથી વિમુખ (નફરત કરતા) ન કરીએ. આપણે મુસ્લિમોને વધુ સાવચેતી રાખવાની જરૂર છે કારણ કે સફેદ કપડા પર લાગેલો ડાઘ દૂરથી જ દેખાઈ આવે છે. (મનકૂલ — પસંદગી: ઇસ્લામિક ટ્યુબ પ્રો એપ્લિકેશન)
