મોમિન તો એ લોકો છે કે જ્યારે તેમની સામે અલ્લાહનો ઝિક્ર થાય છે તો તેમના દિલ ડરી જાય છે અને જ્યારે તેમની સામે તેની આયતો પઢવામાં આવે છે તો તે આયતો તેમના ઈમાનને વધુ તરક્કી આપે છે અને તેઓ પોતાના પરવરદિગાર પર ભરોસો કરે છે. (૨) (આસાન તર્જુમતુલ કુરઆન)
મૌલાના ફૈઝલ અહમદ સાહબ નદવી ભટકલી લખે છે:
અમારા ઉલેમા-એ-સલફ (પૂર્વજ વિદ્વાનો) માત્ર કિતાબી જ્ઞાનને કોઈ મહત્વ આપતા નહોતા, એટલે કે જો કોઈના શિક્ષકો (ઉસ્તાદો) અને ગુરૂઓ (મશાઇખ) ન હોય અને તેણે માત્ર પુસ્તકોમાંથી જ કંઈક જ્ઞાન મેળવ્યું હોય, તો તેને કોઈ મહત્વ આપવામાં આવતું નહોતું. ઇસ્લામિક ઇતિહાસમાં કેટલ...