હદીસ અલ-રસૂલ ﷺ

હઝરત ઔફ ઇબ્ને માલિક (રદિ.) કહે છે કે રસૂલ કરીમ (ﷺ) એ ઇરશાદ ફરમાવ્યો: અલ્લાહ તઆલા આ ઉમ્મતની વિરુદ્ધ બે તલવારોને ભેગી નહીં કરે, એક તલવાર તો ખુદ મુસલમાનોની અને બીજી તલવાર તેમના દુશ્મનોની. (અબુ દાઉદ) વઝાહત (સ્પષ્ટીકરણ): "સૈફૈન" એટલે કે એક જ સમયે આ ઉમ્મત પર બે તલવારો ભેગી નહીં થાય, જો દુશ્મન સામે જંગ અને જેહાદ ફી સબીલીલ્લાહ હશે તો આપસમાં જંગ નહીં થાય (હા જો મુનાફિકોની એક જમાત કુફ્ફાર સાથે મળી ગઈ તો પછી બે તલવારો ભેગી થશે) અને જો દુશ્મન સામે જંગ અને જેહાદ નહીં હોય તો પછી આપસમાં લડશે. (તૌઝીહાત શરહ મિશ્કાત/જિ: ૮/પૃ: ૧૧૬)