ઇબાદતોમાં રિયા (દેખાવો) હરામ છે
નુસૂસે કતઇય્યા (સ્પષ્ટ પુરાવાઓ) થી સાબિત છે કે ઇબાદતોમાં ઇખ્લાસ (નિષ્ઠા) વાજિબ છે અને રિયા વ દેખાવો હરામ છે. પોતાની ઇબાદતોમાં અલ્લાહની રઝા (પ્રસન્નતા) નો મકસૂદ (ઉદ્દેશ્ય) હોવો તે ઇખ્લાસ છે અને કોઈ અન્ય વસ્તુનો મકસૂદ હોવો તે રિયા છે. આપ ﷺ એ રિયાને શિર્કે અસગર (નાનો શિર્ક) ફરમાવ્યો છે. જો કોઈ વ્યક્તિ એટલા માટે નમાઝ પઢે કે લોકો તર્કે-સલાત (નમાઝ છોડતા) જોશે તો શું કહેશે, અથવા કોઈ વિદ્યાર્થી નમાઝ છોડવા પર સજાના ડરથી નમાઝ પઢે તો આ પણ રિયામાં દાખલ છે. આ રીતે પઢવામાં આવતી નમાઝ સહી (માન્ય) તો થઈ જશે પરંતુ સવાબ (પુણ્ય) થી ખાલી હશે, કારણ કે સેહત (માન્યતા) સવાબને અને સવાબ સેહતને મુસ્તલઝિમ (અનિવાર્ય) નથી; સેહત શરાઇદ (શરતો) અને અરકાન (સ્તંભો) સાથે મુતઅલ્લિક (સંબંધિત) છે અને સવાબ ઇખ્લાસથી. તેથી જ્યારે કોઈ ઇબાદત કરવામાં આવી રહી હોય તો ઇખ્લાસ સાથે કરવામાં આવે જેથી તે સહી પણ થઈ જાય અને આખિરતમાં સવાબ પણ હાસિલ થાય અને આ જ ઇબાદતની ગરઝ (હેતુ) છે. (અહમ મસાઈલ/ભાગ:૨/પાના:૨૦૭)
