મુહક્કક મસાલા

કુર્આનના બોસીદા (જૂના/જર્જરિત) પાનાઓનું શું કરવું જોઈએ?

કુર્આન પાક જ્યારે બોસીદા હોવાના કારણે નાકાબિલે ઇન્તિફાઅ (ઉપયોગ કરવા લાયક ન) રહે ત્યારે ફુકહાએ હનફિયાની તસરીહ (સ્પષ્ટીકરણ) મુજબ સૌથી શ્રેષ્ઠ રીત એ છે કે લહદ (કબરમાં બગલી જગ્યા) બનાવીને તેમાં દફન કરી દેવામાં આવે (રદ્દુલ મુહતાર, ભાગ: ૪, પાના: ૨૭૧). જો કે વહેતા પાણીમાં નાખી દેવાની પણ પરવાનગી છે પરંતુ આ ખિલાફે ઔલા (વધુ યોગ્ય રીતની વિરુદ્ધ) છે. તેવી જ રીતે સળગાવવું પણ સાબિત છે જેવું કે અલ્લામા સુયૂતી અલૈહિર્રહમાએ નકલ કર્યું છે. પરંતુ હઝરાતે હનફિયાના નજદીક આ મમનૂઅ (મનાઈ) છે જેવું કે અલ્લામા શામીએ તસરીહ કરી છે.

(કિતાબ: હબીબુલ ફતાવા / ભાગ: ૭ / પાના: ૫૨)