એક બંધ દુકાનના ઓટલા પર બેઠેલા બે વૃદ્ધો અંદરોઅંદર વાતો કરતાં કરતાં હસી-હસીને બેવડ વળી રહ્યા હતા, ત્યાં એક જિજ્ઞાસુ વટેમાર્ગુએ તેમને આટલા ખુશ થવાનું કારણ પૂછી લીધું.
એક વૃદ્ધે માંડ-માંડ પોતાના હાસ્ય પર કાબૂ મેળવતાં કહ્યું: "અમારી પાસે આ દેશની સમસ્યાઓ ઉકેલવા માટે એક શાનદાર યોજના છે. અને એ યોજના એ છે કે આખી પ્રજાને જેલમાં ધકેલી દેવામાં આવે... અને એ બધાની સાથે એક ગધેડાને પણ જેલમાં પૂરવામાં આવે."
વટેમાર્ગુએ આશ્ચર્યથી બંને તરફ જોયું અને પૂછ્યું: "એ બધાની સાથે એક ગધેડાને શા માટે કેદ કરવામાં આવે?"
બંને વૃદ્ધોએ આકાશ ગજવતો ગગનભેદી અટ્ટહાસ્ય કર્યો અને એકબીજા સામે જોયું, પછી એક વૃદ્ધે બીજાને કહ્યું: "જોયું રહીમા! આવી ગયો ને તને મારી વાત પર ભરોસો? હું નહોતો કહેતો કે ખુદાના સોગંદ, આ પ્રજા વિશે કોઈ પૂછશે પણ નહીં (બધા માત્ર ગધેડા વિશે જ ચિંતા કરશે)!"
