અમીન અહસન ઇસ્લાહી રહમતુલ્લાહ લખે છે:

"માણસ જ્યાં સુધી પત્ની (બીવી) વગરનો રહે છે, ત્યાં સુધી તે કંઈક અંશે ખાનાબદોશ (ભટકતા માણસ) જેવો રહે છે અને તેની ઘણી બધી ક્ષમતાઓ (સલાહિયતો) સંકોચાયેલી અને દબાયેલી રહે છે. તેવી જ રીતે સ્ત્રી જ્યાં સુધી પતિ (શૌહર) વગરની રહે છે, તેની સ્થિતિ પણ એ વેલા જેવી હોય છે જે સહારાના અભાવે ફેલાવા, ખીલવા અને ફળ આપવાથી વંચિત રહી જાય છે. પરંતુ જ્યારે સ્ત્રીને પતિ મળી જાય છે અને પુરુષને પત્નીનો સાથ મળી જાય છે, ત્યારે બંનેની ક્ષમતાઓ ખીલી ઉઠે છે અને જીવનના મેદાનમાં જ્યારે તેઓ બંને મળીને સંઘર્ષ (જેહમત) કરે છે, ત્યારે અલ્લાહ તઆલા તેમના સંઘર્ષમાં બરકત આપે છે અને તેમની પરિસ્થિતિ તદ્દન બદલાઈ જાય છે!"

[તદબ્બુરે કુરઆન 5/400]