🌸
*کھٹے لیموں سے میٹھا شربت بنائیے*
سمجھدار آدمی نقصان کو فائدہ میں بدل دیتا ہے اور بے وقوف ایک مصیبت کو دو مصیبتیں بنا دیتا ہے۔
حضور صلی اللہ علیہ وسلم کو مکہ سے نکال دیا گیا تو آپ نے مدینہ میں ایک سلطنت قائم کی جس سے تاریخ بھری پڑی ہے۔
امام احمد بن حنبل رحمہ اللہ کو قید کیا گیا اور کوڑے مارے گئے تو وہ اہلِ سنت والجماعت کے امام بن گئے۔
امام ابن تیمیہ رحمہ اللہ کو قید کیا گیا تو ان کی قید سے علم کا ایک وسیع خزانہ نکالا گیا، قید میں انہوں نے بہت سی کتب تصنیف کیں۔
امام سرخسی رحمہ اللہ کو ایک اندھے کنویں میں ڈال دیا گیا تو انہوں نے فقہ کے موضوع پر ۲۰ جلدوں میں کتاب لکھی۔
علامہ ابن الاثیر رحمہ اللہ کو نظر بند کیا گیا تو انہوں نے جامع الأصول اور النہایہ نامی کتابیں لکھیں جو حدیث کی مشہور اور مفید کتابیں ہیں۔
علامہ ابن الجوزی رحمہ اللہ کو بغداد سے جلاوطن کیا گیا تو انہوں نے قراءاتِ سبعہ کے متعلق بہت کام کیا۔
مالک بن الریب رحمہ اللہ کو گردن توڑ بخار نے آ پکڑا تو انہوں نے دنیا والوں کے لیے ایک قصیدہ بھیجا جو عباسی حکومت کے شعراء کے قصیدوں کے برابر تھا۔
ابوذویب الہذلی رحمہ اللہ کے بیٹے فوت ہوئے تو انہوں نے ایک ایسا مرثیہ پڑھا جس کی مثال لانے سے دنیا خاموش ہے، علماء اس سے حیران ہیں اور تاریخ نے اس کا استقبال کیا۔
اپنے سخت ترین برتن میں ٹھنڈک پیدا کیجیے تاکہ آپ اس سے پھول، گلاب اور چنبیلی نکالیں۔
وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ
ہو سکتا ہے جس چیز کو آپ ناپسند کریں وہ آپ کے حق میں مفید ہو۔
