رحم دل انسان وہ ہوتا ہے جو دوسروں کے دکھ درد کو محسوس کرتا ہے اور ان کی مدد کے لیے ہر ممکن کوشش کرتا ہے۔ حضرت عمر رضی اللہ عنہ کی زندگی اس کی بہترین مثال ہے۔ ایک دن رات کے وقت گشت کے دوران، انہوں نے ایک جھونپڑی میں بچوں کے رونے کی آواز سنی۔ قریب جا کر دیکھا تو ایک عورت ہانڈی میں پانی ابال رہی تھی تاکہ بچے یہ سمجھیں کہ کھانا پک رہا ہے اور سوجائیں۔ حضرت عمر رضی اللہ عنہ فوراً بیت المال گئے، کھانے کا سامان خود اپنے کندھوں پر اٹھایا اور عورت تک پہنچایا۔
یہ واقعہ ہمیں سکھاتا ہے کہ رحم دل انسان صرف باتوں سے نہیں بلکہ عمل سے اپنی انسانیت کا ثبوت دیتا ہے۔ رحم دلی انسانیت کا سب سے خوبصورت پہلو ہے، جو معاشرے کو سکون اور محبت سے بھر دیتا ہے
♥️♥️
