અસ્સલામુ અલૈકુમ વ રહમતુલ્લાહી વ બરકાતુહ

*બિસ્મિલ્લાહ-હિત-રહમાન-નિર-રહીમ*

*જરા વિચારો કે મુઆઝ બિન જબલ (રઝિયલ્લાહુ અન્હુ) ને કેવું લાગ્યું હશે જ્યારે તેમણે રસૂલુલ્લાહ ﷺ ને એવું ફરમાવતા સાંભળ્યા, "અય મુઆઝ! અલ્લાહના સોગંદ, હું તારાથી મોહબ્બત કરું છું."*

*અને અબ્દુલ્લાહ બિન અબ્બાસ (રઝિયલ્લાહુ અન્હુ) ને કેવી ખુશી થઈ હશે જ્યારે રસૂલુલ્લાહ ﷺ એ તેમને ગળે લગાવ્યા અને દુઆ ફરમાવી: "અય અલ્લાહ! આને કુરઆન શીખવાડી દે."*

*અલી ઇબ્ને અબી તાલિબ (રઝિયલ્લાહુ અન્હુ) શું વિચારતા હશે જ્યારે તેમણે રસૂલુલ્લાહ ﷺ ને એવું ફરમાવતા સાંભળ્યા કે, "હું કાલે જરૂર ઝંડો એક એવા માણસના હવાલે કરીશ જે અલ્લાહ અને તેના રસૂલથી મોહબ્બત કરે છે અને અલ્લાહ તથા તેનો રસૂલ પણ તેનાથી મોહબ્બત કરે છે," અને પછી જ્યારે તેમને ખબર પડી કે તે પોતે જ છે?*

*અથવા સાદ બિન અબી વક્કાસ (રઝિયલ્લાહુ અન્હુ) ના થાકેલા હાથોમાં તો વીજળી દોડી ગઈ હશે જ્યારે રસૂલુલ્લાહ ﷺ એ તેમને ફરમાવ્યું હશે કે:*

*"અય સાદ! તીર ચલાવ, મારા મા-બાપ તારા પર કુરબાન!"*

*અને ઉસ્માન બિન અફ્ફાન (રઝિયલ્લાહુ અન્હુ) ના કેવા જઝબાત હશે જ્યારે તેમણે તબૂકની જંગ માટે જતી ફોજને મુકમ્મલ (પૂરો) સામાન પૂરો પાડ્યો, અને રસૂલુલ્લાહ ﷺ એ ફરમાવ્યું: "ઉસ્માને આજે જે કંઈ કર્યું, તેના પછી કોઈ પણ વસ્તુ તેને નુકસાન નહીં પહોંચાડે."*

*અથવા અબૂ મૂસા અશઅરી (રઝિયલ્લાહુ અન્હુ) એ પછી કુરઆનની તિલાવત કેવી રીતે કરી હશે જ્યારે રસૂલુલ્લાહ ﷺ એ ફરમાવ્યું: "કાશ તમે મને એ સમયે જોઈ લીધો હોત જ્યારે હું કાલે તમારી તિલાવત સાંભળી રહ્યો હતો."*

*અને સાઇબ બિન યઝીદ શું વિચારતા હશે, જેમના માથાના વાળને રસૂલુલ્લાહ ﷺ એ અડક્યા હતા, તો માત્ર તે જ વાળ કાળા રહી ગયા, જ્યારે તેમના બાકીના વાળ ઘડપણમાં સફેદ થઈ ગયા?*

*અને અનસારની ખુશીનો કેવો આલમ (માહોલ) હશે જ્યારે રસૂલુલ્લાહ ﷺ એ તેમને ફરમાવ્યું કે, "જો તમામ લોકો એક રસ્તા પર ચાલે અને અનસાર બીજા રસ્તા પર, તો હું અનસારનો રસ્તો અખત્યાર કરીશ."*

*અને અનસાર કેવો ફખ્ર (ગર્વ) કરતા હશે જ્યારે અલ્લાહના નબી ﷺ એ તેમના વિશે ફરમાવ્યું કે, "ઈમાનની અલામત (નિશાની) અનસારથી મોહબ્બત છે અને નિફાક (કપટ) ની અલામત તેમનાથી દુશ્મની છે."*

*અને સિદ્દીક (અબૂ બક્ર, રઝિયલ્લાહુ અન્હુ) ના જઝબાત કેવા હતા જ્યારે રસૂલુલ્લાહ ﷺ એ ફરમાવ્યું કે, "જો હું કોઈને મારો ખલીલ (ગાઢ મિત્ર) બનાવતો, તો અબૂ બક્રને બનાવી લેતો."*

*અમ્મા આઇશા (રઝિયલ્લાહુ અન્હા) નું દિલ ખુશીથી કેવું ધડક્યું હશે જ્યારે રસૂલુલ્લાહ ﷺ એ ""આઇશા"" ના નામ સાથે જવાબ આપ્યો, જ્યારે તેમને પૂછવામાં આવ્યું કે આપ ﷺ ને સૌથી વધુ મહબૂબ (પ્રિય) કોણ છે?*

*અને બિલાલ બિન રબાહ (રઝિયલ્લાહુ અન્હુ) ના આંસુ શું રોકાઈ ગયા હશે જ્યારે રસૂલુલ્લાહ ﷺ એ તેમને ફરમાવ્યું કે, "અય બિલાલ! મને એવો અમલ તો બતાવ જેનાથી તું સૌથી વધુ આશા રાખતો હોય, કારણ કે મેં જન્નતમાં મારી આગળ તારા જૂતાનો અવાજ સાંભળ્યો છે."*

*અને ઉમર બિન ખત્તાબ (રઝિયલ્લાહુ અન્હુ) ને કેવું લાગ્યું હશે જ્યારે તેમણે રસૂલુલ્લાહ ﷺ પાસે દાખલ થવાની પરવાનગી માંગી અને આપ ﷺ એ દરબાનને ફરમાવ્યું કે, "આને દાખલ થવા દો અને જન્ન્તની બશારત (ખુશખબરી) આપો."*

અને હવે,

*જરા તસવ્વુર (કલ્પના) કરો કે જ્યારે બરોઝ-એ-કયામત (કયામતના દિવસે) રસૂલુલ્લાહ ﷺ ના આશિક ઉમ્મતી આપ ﷺ ને જોશે અને મુહમ્મદ અરબી ﷺ તેમને જે કહેશે:*

*અય અલ્લાહ! અમને પણ એવા ઉમ્મતીઓમાં શામેલ ફરમાવ જેમને બરોઝ-એ-કયામત રસૂલુલ્લાહ ﷺ એવું ફરમાવશે:*

"તમે મારા એ ઉમ્મતી છો જેમને મળવા માટે હું રડ્યો, તમે મારા એ ઉમ્મતી છો જે મને જોયા વગર મારા પર ઈમાન લાવ્યા."*

*એ સમયે આપણે કેવું અનુભવીશું.......!!!! ???*

*વ-ઉફવ્વિદુ અમરી ઇલલ્લાહ (અને હું મારો મામલો અલ્લાહને સોંપું છું)*

*વલ-હમ્દુ લિલ્લાહી રબ્બિલ આલમીન (અને બધી પ્રશંસા અલ્લાહ માટે છે, જે તમામ જહાનનો રબ છે)*