غزل از مفتی محمد تقی عثمانی صاحب :
ـــــــــــــــــــــــــــــــــــــــــــــــــــــــــــــــــ
وہ موت کیا،جو نہ دے تیری دید کا تحفہ
جو تیری دھن میں نہ گزرے وہ زندگی کیا ہے؟
نہ تیرا ذکر ہو جن میں وہ مجلسیں برباد
ہو تیری یاد سے خالی تو خامشی کیا ہے؟
جو علم مجھ کو نہ پہنچائے تیری چوکھٹ تک
نہ مجھ کو تیرا پتا دے جو آگاہی کیا ہے
ـــــــــــــــــــــــــــــــــــــــــــــــــــــــــــــــــ
کتاب : گـوشـئہ تنــہائی ( شـعری مجـموعہ)
( صفحہ نمبر 115)
تالیف : حضرت مفتی محمد تقی عثمانی صاحب
