*હલાલ લુકમાની બરકત (પવિત્ર કોળિયાની કૃપા)*

એક મુસ્લિમ દેશ પર કાફિરોએ હુમલો કર્યો, તો બાદશાહે પોતાના પુત્રને સામનો કરવા માટે મોકલ્યો. એક અઠવાડિયા પછી સમાચાર આવ્યા કે હાર થઈ ગઈ અને પુત્ર ભાગી ગયો, તો જે મલિકા (રાણી) હતી, તે કહેવા લાગી, "હુઝૂર! આ સમાચાર ખોટા છે."

બાદશાહને ખૂબ ગુસ્સો આવ્યો કે "તું અંદર બેસીને કેવી રીતે કહી રહી છે કે સમાચાર ખોટા છે?"

તે કહેવા લાગી, "બસ આ સમાચાર ખોટા છે."

એક અઠવાડિયા પછી સમાચાર આવ્યા કે તે પહેલા સમાચાર ખોટા હતા, અલ્લાહ તઆલાએ ફતહ (વિજય) આપી દીધી. દુશ્મન ભાગી ગયો, કાફિર ભાગી ગયો. હવે બાદશાહે પોતાની પત્નીને પૂછ્યું, "તેં અંદર બેસીને આ દાવો કેવી રીતે કર્યો હતો?"

આ તો તે સમયના બાદશાહોની પત્નીઓની સ્થિતિ હતી.

તે કહેવા લાગી, "જ્યારથી આ ગર્ભ રહ્યો, મેં હરામ કોળિયો તો દૂરની વાત છે, જેમાં શંકા હતી તે પણ નથી ખાધો; શંકાવાળો કોળિયો પણ નથી ખાધો. અને બે વર્ષ તેને દૂધ પીવડાવ્યું, જેટલી વખત દૂધ પીવડાવ્યું પહેલા વુઝૂ કર્યું, બે નફલ (નમાઝ) પઢી, પછી તેને દૂધ પીવડાવ્યું. જે બાળક આટલું પવિત્ર દૂધ પીને મોટો થયો હોય, તે ક્યારેય મોતની બીકથી ભાગી શકે? જો તમે એમ કહ્યું હોત કે હાર થઈ ગઈ અને પુત્ર શહીદ થઈ ગયો, તો હું માની જાત. હું કેવી રીતે માની લઉં કે આવું પવિત્ર દૂધ પીને કોઈ બાળક કાફિરની સામેથી મોતની બીકથી ભાગી જાય, આ ન થઈ શકે."

આ બાદશાહની બેગમોની સ્થિતિ હતી.

પુર તાસીર ઇમાન અફરોઝ વાકિયાત, પેજ: ૪૫