એકવાર એક ગધેડાએ એક શિયાળને કહ્યું:
"ઘાસ વાદળી છે."
શિયાળે જવાબ આપ્યો:
"ના, ઘાસ લીલું છે."
ચર્ચા ગરમાઈ, અને બંનેએ તેને પંચ (મધ્યસ્થતા) સમક્ષ રજૂ કરવાનો નિર્ણય કર્યો, અને આ માટે તેઓ જંગલના રાજા સિંહ પાસે ગયા.
જંગલના દરબારમાં પહોંચતા પહેલા, જ્યાં સિંહ પોતાના સિંહાસન પર બેઠો હતો, ગધેડો બૂમો પાડવા લાગ્યો:
"મહારાજ, શું એ સાચું નથી કે ઘાસ વાદળી છે?"
સિંહે જવાબ આપ્યો:
"સાચું છે, ઘાસ વાદળી છે."
ગધેડાએ ઉતાવળ કરી અને કહ્યું:
"શિયાળ મારી સાથે સહમત નથી થતું, વિરોધ કરે છે અને મારી મજાક ઉડાવે છે, કૃપા કરીને તેને સજા કરો."
રાજાએ પછી જાહેરાત કરી:
"શિયાળને ૧ મહિના સુધી શાંત (મૌન) રહેવાની સજા આપવામાં આવશે."
ગધેડો ખુશ થઈને કૂદતો કૂદતો પોતાના રસ્તે ચાલ્યો ગયો, સંતોષ સાથે પુનરાવર્તન કરતો રહ્યો:
"ઘાસ વાદળી છે"...
શિયાળે પોતાની સજા સ્વીકારી લીધી પરંતુ તે પહેલાં તેણે સિંહને પૂછ્યું:
"મહારાજ, તમે મને સજા કેમ આપી? આખરે તમે પણ જાણો છો કે ઘાસ લીલું છે."
સિંહે જવાબ આપ્યો:
"એ હકીકત છે કે ઘાસ લીલું છે."
શિયાળે પૂછ્યું:
"તો મને સજા કેમ આપી રહ્યા છો?"
સિંહે જવાબ આપ્યો:
"આ સવાલને એ વાત સાથે કોઈ લેવાદેવા નથી કે ઘાસ વાદળી છે કે લીલું. સજા એટલા માટે આપવામાં આવી છે કારણ કે તારા જેવા બુદ્ધિશાળી જીવ માટે ગધેડા સાથે ચર્ચા કરીને સમય બગાડવો યોગ્ય નથી, અને તેનાથી પણ વધુ અહીં આવીને મને અને બાકીની પ્રજાને આ સવાલથી પરેશાન કરવા યોગ્ય નથી."
યાદ રાખો!
સમયનો સૌથી મોટો બગાડ એવા મૂર્ખ, કટ્ટર અને બેવકૂફ સાથે ચર્ચા કરવામાં છે જેને સત્ય કે હકીકતની કોઈ પરવા નથી, પરંતુ તે માત્ર પોતાના રૂઢિચુસ્ત વિચારો, અંધભક્તિ, માનસિક ભ્રમ અને વહમને જ પોતાની જીત માને છે.
આવા મૂર્ખો પર પોતાનો સમય ન બગાડો જેમનો કોઈ અર્થ નથી...
__________📝📝__________
મનકૂલ.
પસંદગી: ઇસ્લામિક ટ્યુબ પ્રો એપ
__________📝📝__________
