દિલ્હી-NCRમાં હવાની ગુણવત્તામાં અચાનક ભારે ઘટાડા બાદ કમિશન ફોર એર ક્વોલિટી મેનેજમેન્ટ (CAQM) દ્વારા તત્કાલિક અસરથી GRAP નો બીજો તબક્કો (GRAP-2) લાગુ કરી દેવામાં આવ્યો છે. દિલ્હીનો AQI 117 થી વધીને સીધો 324 પર પહોંચી ગયો છે, જે 'ખૂબ જ ખરાબ' શ્રેણીમાં આવે છે. હવામાનના પ્રતિકૂળ વલણને આનું કારણ બતાવવામાં આવ્યું છે.
આદેશમાં શું કહેવામાં આવ્યું?
2 નવેમ્બરે જારી કરાયેલા આદેશ મુજબ GRAP ના સ્ટેજ-1 અને સ્ટેજ-2 ની તમામ માર્ગદર્શિકાઓ સમગ્ર NCR માં સંબંધિત એજન્સીઓ દ્વારા કડકતાથી લાગુ કરવામાં આવશે. આ ઉપાયોનું સતત નિરીક્ષણ અને સમીક્ષા થશે. અધિકારીઓ હવે રસ્તાઓ પર ધૂળ નિયંત્રણ અને પબ્લિક ટ્રાન્સપોર્ટના ઉપયોગને પ્રોત્સાહન આપવા પર ભાર મૂકશે.
કયા વાહનોને દિલ્હીમાં પ્રવેશની પરવાનગી?
BS-VI પેટ્રોલ અને ડીઝલ વાહનો
CNG અને તમામ પ્રકારના ઈલેક્ટ્રિક વાહનો
એમ્બ્યુલન્સ અને આવશ્યક સેવાઓ સાથે જોડાયેલા છૂટછાટ પ્રાપ્ત વાહનો
તમામ પરવાનગી પ્રાપ્ત વાહનો પાસે માન્ય PUCC (પોલ્યુશન અંડર કંટ્રોલ સર્ટિફિકેટ) ફરજિયાત છે.
કયા વાહનો પર કડક પ્રતિબંધ?
BS-VI થી નીચેના પેટ્રોલ અને ડીઝલ વાહનો.
માન્ય PUCC વગર ચાલતા વાહનો, ભલે તે BS-VI હોય.
અન્ય રાજ્યોમાંથી આવતી ગેર-BS-VI ડીઝલ ઈન્ટરસ્ટેટ બસો.
1 નવેમ્બર 2026 થી 31 જાન્યુઆરી 2027 સુધી દિલ્હી બહાર રજિસ્ટર્ડ ગેર-BS-VI વાહનો અને ટ્રક.
ટ્રેક્ટર અને જુગાડ વાહનો.
દિલ્હી જેઓનું ગંતવ્ય નથી, તેવા ભારે માલવાહક ટ્રકોને શહેરમાં આવવાના બદલે ઈસ્ટર્ન અથવા વેસ્ટર્ન પેરિફેરલ એક્સપ્રેસવે ઉપયોગ કરવા નિર્દેશ.
ટ્રાફિક હેલ્પલાઈન
દિલ્હી ટ્રાફિક પોલીસ: 011-25844444 / 1095
પોલીસ ઈમરજન્સી સહાયતા: 112
નાગરિકોને અપીલ
અધિકારીઓએ લોકોને GRAP-1 અને GRAP-2 હેઠળ નક્કી 'સિટિઝન ચાર્ટર'નું કડકપણે પાલન કરવા અને અંગત વાહનોની જગ્યાએ પબ્લિક ટ્રાન્સપોર્ટના ઉપયોગની અપીલ કરી છે. IMD અને IITM ના પૂર્વાનુમાનના આધારે હવાની ગુણવત્તા પર ચોવીસે કલાક નજર રાખવામાં આવશે અને જરૂર પડ્યે આગળ કડક નિર્ણયો લેવાઈ શકે છે. GRAP-2 ની આ જાહેરાત શિયાળાના પ્રદૂષણ નિયંત્રણ પ્લાન હેઠળ વાહનો પર પ્રતિબંધ મૂક્યાના એક દિવસ બાદ આવી છે.
